CAPAN CATUR NI URANG GAYO ( Kekeberen Ni Peteri Bungsu )

Peteri Bungsu

Ara sara cerite tengah ne, puteri bungsu urum akae, roan ne we sara ine sara ama. Ine urum amae gere naeh ara, nge mokot ulak ku Tuhen. Was ni sara waktu beluh pun ne engkaro, maie asu ni peteri ni, “ etek  ipeh ku mai asu mue, aku male beluh engkaro.”  Nye le mai pune nine asue ne engkaro, was nonya nye kona akang, nge mari ruhul nge ulak pune ni ne engkaro, depet pune ni  peteri ni roan ne tengah nutu i jingki, nye le geh pune ne kone, osahe dengke nakang ne ku peterie, ”etek ini ningkam dengke nakang si ku karo ne,,.” enye le geneng ni putei ne dengke ne kuamat-amat ni jingkie. Nge munge penutune ne den lo peih nge iyo renye le ulak peteri ne roan ne kuumah, ketegir ni Tuhen gere inget te mai dengke si osah pune ne, becerak aka ni peteri bangsu ni, “ Etek,,, gi kite inget mai dengke si osah pune, kuneh miwe gi neh berani kite enraie ?”
“ Aka,, gere kenjadi guru gaji  keyea ?” kenei peteri bangsu ni. Nge bese nge minter geh peh dengke si ngenjadi guru gaji ne kuumah ni peteri ne, “etek-etek uke peh pintu,, “ kenne guru gaji ne.
“A Wan, hana male wan,,?” sahuti peteri ne roan ne
“Jerang peh kero ko, ” mien kenne guru gajie
“ Senare genap ke Awan,,?” kunei peteri ne mien
“Giiihh,,, gi ken tai gigi ku peh,,” kenne guru gajie
“ Ike setem genap ke awan?”
“ Agih-agihe.”

Was nonya peteri ni ke gere sunguh he enjerang kero, guru gajie peh gere male mangan kero tapi male panne ate ni peterie roan ne, jadi kennye tama peteri ni sigele bene-bene tejem was nu mah he nya, guru gaji ni ne peh gere neh seberen,,” etek-etek nge ke tasak,,,?” kunie guru gajie ku peteri ne, “pora mi Awan,,” sauti peterie roan ne. Sawah tulunnen kunei guru gaji ne gere len tasak kenne peteri ne, dang-dang bese peteri ne peh nge meh siep tamae ranyo ni guru gajie, bene-bene si tejem sengeje i tungkum ne urum upuh kati agak guru gajie peterie ione, waktu male beluh miwe peterie roenne ari umahe yea lewat pimtu uduk,  unger ne ku kucinge, ” ike nge gaib ke kami beluh, uken ke pintu ni,,.” Enye le beluh peteri ne ari umahe yea, guru gajie gere len betih he peteri ne nge kederet ari was numahe yea,, agake wase len peterie gi betihe kucing ni peterie mi we was numaha taring.

I lah ni dene peteri ni pemulen endemu urum jema nekik, ” Abang-abang si nekik, tunin peh kami. Kami dedik guru gaji,,”
“Gere te tunin naku Kam,,, beluh dih ku jema sinjele o..” Renye le beluh peteri ni, nge bese renye lendemu rum jema sinjele, “Abang-abang sinjele tunin peh kami. Kami dedik guru gaji,,”
“Gere tetunin naku kam, beluh ku jema si narah kayu o,,” Beluh peteri ni ne roan ne ku jema si narah kayu, “Abang-abang si narah kayu tunin peh kami. Kami dedik guru gaji,,”
“ Boh aku nunin ne,,,” unger ni tukang si narah kayue. Renye itos tukang si narah kayu ne tempat temuni ni peteri si roa ne kuatas ni kayu si mudodoh ku lah ni aih berawang,, kire-kire kati engon guru gajie bebayang ni peteri si roa ne i was ni aih berawang nge. Kire-kire temuni nye uken kucing ne pintu ne, enye rangkap guru gaji e si tejem2 ne, agak e puteri bangsu ne. Enye beluh tunung ne ku jema si nekik,” abang2 si nekik ara ke engon ko peteri bangsu lepas?”
“ ara kunei ku jema si enjele o,,”
“abang2 si enjele ara ke engon ko peteri bangsu lepas ?”
“ ara kunei ku jema si narah papan nu,,”
“abang2 si narah papan ara ke engon ko puteri bangsu lepas?”
“ara,, hoo was ni berawang hoo yea,,,”
enye  laupi guru gaji kuwas ni berawange, male pan ne ate ni peteri ne,” tik2 mi gere kone,,”
“nge ke sejuk awan,,?” kene jema si narah kayu ne
“enge,,,,” nye tangkuh guru gaji ne, nye balut ni jema ne urum ijuk. Enye telong ne, enye enjadi arang, turun peteri ne,,, “yea mana ken peteri e”. Enjadi guru gaji mien au ne, temuni mien peteri e, ken i jema ne mien i laupi. “nge ke kona awan,,”
“tik2 mi gere kona..”
“nge ke ilang mata mmu awan,,?”
“nge,,,”
“tangkuh ta nye awan, kati niru mien,,”. Nye balut ne urum ijuk tebel, nye urum sela i tamun ne,, renye i telong ne, njadi awu. Turun mien peteri ne. Guru Gaji ne pe ketegiren gere naeh uet.

Osan ni peteri  ne emas bek jantung, ken ongkos  nunin we  ku tukang tarah papan ne . .
" ulak etek kite ku umah bek hanah peh demu bebagi kite " kne aka ni peteri bangsu ne,
Ulak peteri ku umah, “ kite ni nge le lape puteri bangsu,, beluh ko nango aih, aku nerah rara,,”. Sawah ku aih puteri bangsu, nye manut uah ni gele, nye mai peteri bangsu ulak ku umah, sawah kuumah gere len geh aka e nango rara. Enye uet ne kelati belah duen ne uah ni gele ni, semelah naka ea, semelah nehe, wasa nonya gere len geh akae ne nango rara,,, nge meh buh he uah ni gele ne. Nye enjerang puteri bangsu, enye akae mangas , peteri bangsu bau lungi dih ken kelati ni, hana depet ko,, ?”
“uah ni gele aka, ku taringen ningko semelah. Lape dih aku nye kueten mien,,”
“ oya ta ken perpisahen  te etek, aku ku langit ku bujang jeere. Ko ku toa ku malem dewa. Nong baju terbang ni,, ningko perahu oo,,”.

Enye i kacak e puteri bangsu, beluh2 akae ku langit nerbang , mongot puteri bangsu,” aka2 aka ku, akaku langit ku bujang jere, aku ku toa ku malem dewa. Nge mu teloh gelang ku”. Turun mien akae ne, seluk ne gelang ni engie ne,” enti ke ko singah ku gele dodoh.. i gele dodoh he ara tutung kapur, mai e kahe gelang mu ni,,”. Merbang mien akae ne
‘aka2 aka ku, aka ku langit ku bujang jere, aku kutoa ku malin dewa, nge muteloh genit ranteku,,”. Turun mien akae ne,,” enti naeh talui aku etek, tutp kahe pintu langit, ko ku toa ku malim dewa, aku ku langit ku bujang jere, eenti singah ko kahe ku gele dodoh, ara tutung kapu one, tiruie kahe genit rante mu ni,,” beluh mien akae nerbang,, tauk i peteri bangsu ni mien akae ne,,” aka2 akuku, aka ku langit ku bujang jere, aku ku toa ku malim dewa,, nge mu teloh aka ku subang ku,,”. Turun mie akae ne ,,” enti neh tauk i aku etek ,tutup ke pintu langit,,,”. Nye bun ne subang nge ne,,” enti kahe ko singah i gele dodoh, ara tutung kapure ione, tiruie kahe subang mu ni,,,”. Nye beluh akae ne, tauk i peteriepeh gere neh turun, ta ngenntuk kurik ni bujang jere, “ kkukukuuu,, uke peh pintu bujang jere, nge geh peteri ari dunie,”. Sawah ku langit puteri gere mera becerak mikiri adik e ne. Enye le poin bujang jere taruk naru2, enjem pora puteri nengon ne pan bujang jere ne, gere len mera be cerak puteri ne, enye le i garu bujang jere kuah. Kepet ne senuk e, enye i perahi e senuk e, “ ihi senuk2,,,?”, mokot nye terahi e, padahal sengeje i kepet ni bujang jere e, kati mera becerak puterie,, “ yea ken nyea ikepet mue,,”
was nonya ayak ni peteri anak ni lenga sara tem, ken iye tingkup i bujang jere, enye geh manuk sekelien manuk ningkupie urum bujang jere, meh kangmul anak ni lenga ne. Baru mera becerak puteri ne.,

Enye le puteri bangsu neh tetah ne sempole si lekah nene, nye beluh we naik perahu ku toa, enye bejangin peteri bangsu, “ aka2 akaku, akaku langit ku bujang jere, aku ku toa ku malim dewa,,”
“ so rio,, rio,, roi,,” ke ne manuk
“ so sibedeso perahu ku toa, aka ku langit ku bujang jere, aku ku toa ku malim dewa,,,”
‘ so rio,, rio “ mien kene manuk,
“ sos si berdeso perau ku toa, aka ku lagit ku bujamg jere, aku ku toa ku malim dewa,,”
“ so rio,,, rio,,,”.
nge bese sawah peteri ku gele dodoh,, porak ni lo gere te ging peteri, nye naik peteri ku cabang ni gele si tentang ni telege ni tutung kapur. Nge bese ama ni tututng kapur urum ine ni tutung kapu renye moen iken, waktu mangan enye bolon nen amae ne. Keninye anak e si kul nango aih,,urum labu. Sawah ku telege, enye engon ne i was ni telege bayang ni peteri, agak e bayanyangen ne, “ bese ta jeroh ku, ta ken ni ama aku nango aih,,” renye sentat ne labu e ne, nye ulak we ku umah. Nye ken amae ne anak e si laen ne mi we nango aih, mah he coran tempat e, sawah ku telege, nye isie coran e ne, nye engon ne bayang ni peteri i was ni telege, “ bese ta jeroh ku,, dabuh ken i ama aku nago aiiiih,,,” nye le sentat ne coran si nge isi e ne. Nye ulak we ku umah,, ‘ hi ta aih ne,,?” kene amae,,
“dedik koro aku, dedik lemu, enye pecah abu (labu)”.

“ ta hanah mi we buh tempat naih ni,,,nge meh ken pecah bum kam,,,”.

Nye le tos namae ne kekulit miwe ken tempat naih. Nye keninye anak bangsue miwe nango aih,,, sawah ku telege nye le i isi tutung kapur ne kekulit ne, nye engon ne bebayang ni peteri ne i was ni telege,, “ bese ta jeroh ku, ta ken i ama ku aku nango aih,,,”. Nye sentat ne kekulit ne, gere mera empecah, akhir re nye i ket e, kune akal le kati mera emputuk, ta ke nye kedik peteri ne nengon tutung kapur re,, enye nangak tutung kapur re,, “ koo ta aka2 peteri ione,, trun nye. Kati pangir kite urum mungkur keturi taieng kurik, tai embiri,,”
“ aku gih eh bengis i akak ku kahe aku,,” kene peteri ne
“ ke gi mera ko, ku rai ko kuatas se, nye ku cebeten ko, muet usi mu se kupang,,”. Enye le turun puteri ne,, enye le telohi e sesanahe meh,, nye niri urum tutung kapur ne. Tutung kapur nye tangkuh mule, seluk iye baju ni peteri e,” aka2 peteri nong baju mu ni, ningko  baju ku ni,,, “
“enti,,, oya baju ku male beluh ku malim dewa,,
“ike gi osah ko, ku cebeten ko muet usi mue se kupang,,,”. Nye le osan ni peteri ne bajue a ku tutung kapure. Nye naik we mien ku atas ni perau ni urum tutung kapur re. Enye bejangi tutung kapur, unger ne akae ku langit ku bujang jere, we ku toa ku malim dewa.gere mera bejelen perahu, manuk peh gi mera nyurak e. Ken ni tututng kapure,,, bejangin puteri e,,” so si bedeso perahu ku toa, aka ku langit ku bujang jere, aku ku toa ku malim dewa,,,”
“so rio,,, rio,,,”. Nye tangkuh ari perau e, pemulen endemu urum jema nekik, “abang2 si nekik hi jejerohen kami si tik mule rum si tik mulen “. Kene tutung kapur
“ jeroh hen si dapik puren ne,,”.
“ aku ta pik puren,, “ kene tutung kapure
“ abang2 si enjele hi jejerohen kami si dpik mule urumdapik puren,,,”
“ jerohen si dapik mule e,,,”.

Was ni oya nye sawah ku tempat ni malim dewa,,, nye kunei rakyat ni malim dewa ni,” si hi ken puteri ne ?”
“ aku le puteri,, ini tembuluk ku,,” kne tutung kapur
“ ta ike oya puteri tai ken nye katas ni kude o,,,”. Tan me taik en peh ku atas ni kude e, nye tipak ni kude e tutung kapure,, jadi unger ne ku rakyat ni malim dewa, “ aku jingki we gegenen ku,,”. Jadie ke puteri ne naik kude, tutung kapur ne naik jingki.

Nge bese sawah ku umah ni reje tutung kapu bun katas numah, puteri bangsu bun i duduk ni tenge. Nge berse nye gelih hen kurik,, geh kene tutung kapur ni,” atange osan ku tembuku ku wo,, cibit e nong,,”. Was nonya nye ulen ni peteri ensinyu belenge e,, nye bejangin belenge e yea,,” dedek ni belenge, tutung kapu ton numah ni reje, peteri bangsu duduk ni tenge.” Ara pembantu ni malim dewa ni selamat geral e, “ selamat buangen tembuluk ku ni ku rime oo,,,”.

Nye le beluh selamat ni embuang ne, ku sengit ni uten urum belang. Was ni oya ulak selamat ku umah, nnye tutung kapu purak2 hamil, buh he keliliken ku tengaul le, jadi peteri ni ke enge i sengit ni uten urum belang, nye geh mule kalang,,” aka2 peteri mune ken ko ione, ana pongoti ko,,?”
“ gere ku cerakan nge kunei ko, aku lain dih nasib ku ari jema. Kuneh ku gi mongot, baju ku mai tutung kapur,,,”
“enti mongot aka2 peteri, aku enrai kahe,,”.

Enye geh babi nos ume e,, geh gajah nos umah he,, nge geh tikus mah inih he.  
was nonya becerak tutung kapur ku reje,, ike gere ara akang putih gere mera lahir anak ni reje ni. Geh kene reje,,” selamat beluh terah ko akang putih,,,”. Nye beluh selamat nerah akang putih, gere demue akang putih ne, endemu we urum puteri bangsu. Bejangin puteri bangsu, geh tumpi ku rom ni puteri bangsue,,” ho yaya yo surak ni tumpit, enti pani ko pulut lengkawi kuwe. Male kenlepat male kentumpi, male ken kukus ken due kali,,”
“ gere ku pani pulut lengkawi mue, berjunte aku ku tangke e,, minum aku ku kelpahe,,,”. Nge lepas seang berang meletep manuk,,” sedang berang si muletep manuk, manuk di letep ku reje wali, nge bertungket kepede Allah, nge tersumpah kepede Nabi, i letep ko peh manu gunggung hiye,, manut gunggunghiye mani bunge kapas ku,,”.

Was nonya ulak selamat ku umah, enye berunger we ku malim dewa, “ entah kite entong reje,, peteri was ni uten hoo,,,”.

Nye beluh malim dewa rum selamat masuk uten keluer uten, masuk belang keluer belang. Enye sawah ku peger  empu ni peteri,,” aka2 peteri nguk ke aku kuwas nni empus mu ni,,” kene maluim dewa,,” ike baik nguk, ike jahat gere,,”
“ aka2 peteri nguk ke aku ku alamu ni,,”
“ ike baik nguk, ike jahat gere,,”
“aka2 peteri nguk ke aku ku rolok mu ni,,,’
“ ike baik nguk, ike jahat gere,,”.

Nyee le singah malim dewa ni ku rolok ni peteri ne. Sesire kunul ceriten ni puteri ni nasib e ku malim dewa ni, kerna malim dewa nipe pekekune was niate ea,,, hana kati peteri nguk taring seserenge was ni uten rime ni. Yahh rupen pe peteri ni tunangan si i takdir ni Tuhen ken malim dewa, cumen kerna ulah ni tutung kapur si murip kurang bersyukur  menjadi ujien ku rues ni peteri. Kerna peteri ni  jema baik berhati mulie, kusih pe beluh pasti i sayangi dunie urum isie, i kisah akhir re, peteri peh murip urum tungkulen ni ate e oya le Malim Dewa.

Jodoh takkan kemana & Orang Sabar jodohnya insyaAllah orang baik... (hanaamee ,,)

SALAM DARI GAYO LUES